Qo'shib o'qiymiz

maxraj: tovush chiqadigan joy

So'z ichida bu harf shunday ko'rinadi:

Qur'ondagi raqamlar

Qur'onda oyat raqamlari shunday yoziladi. Raqamni bosib eshit.

Pastdan harf tanla. Kartani bossang, ovozi chiqadi.

So'nggi 7 kun

Bolalar

Sozlamalar

Hamma darslarni ochish

Bola harflarni allaqachon bilsa, xaritadagi istalgan darsni tanlay oladi.

Qisqa sinov bola qaysi harf va qoidalarni bilishini aniqlaydi va o'tilgan darslarni ochadi. Bola bilmaganini «Bilmayman» bilan o'tkazib yuborishi mumkin.

Havola faqat hozir tanlangan bolaning natijasini olib o'tadi. Uni yangi telefonda Chrome yoki Safari'da oching (Telegram ichida emas): yulduz, harf, dars va stikerlar o'sha yerga qo'shiladi.

Chop etiladigan varaqlar

Har bir harf darsi uchun bitta A4 varaq: rasmli harf, harfni chizib va o'zi yozish, harfni topib bo'yash, rasmga mos harfni topish. Telefonsiz, yoningizda o'tirib mashq qilish uchun.

Hamma varaqlar (PDF, 14 bet, 1,4 MB)

Har bir harf darsi tugaganda shu darsning varag'i ham chiqadi. Varaqni ochish uchun internet kerak.

«Harflar» bo'limida har bir harfning o'z yo'li bor: tanishuv, o'xshash harflar orasidan topish, yozish, shakllari, harakatlar (bola o'zi aytib, ovozini namuna bilan solishtiradi), keyingi belgilar va so'zlar. Har bosqich tugaganda harf atrofidagi halqa to'ladi. Cho'ziq, sukun, tanvin va tashdid bosqichlari xaritada o'sha bo'limga yetganda ochiladi. Hisobotdagi «Ko'proq mashq kerak» harfini bossangiz, o'sha harfning yo'li ochiladi.
Ikkinchi darsdan boshlab har bir harf darsi oxirida bola faqat o'tilgan harflardan tuzilgan haqiqiy so'zlarni o'qiydi. Qo'shib o'qish shunday erta boshlanadi.
«Qur'onga ko'prik» bo'limi «al»ni (oy va quyosh harflari), vaslni va vaqfni o'rgatadi. Misollar Qur'on oyatlaridan olingan, qori ovozida.
«Alifbo qo'shig'i» harflar tartibi va nomlarini yodlatadi. Qo'shiq avval sekin aytiladi: har satrdan keyin o'sha satr yana keladi, bola shu joyda takrorlaydi. Keyin alifbo tezroq, bir necha marta aytiladi. «Sekin» tugmasi qo'shiqni sekinlatadi, ohang buzilmaydi.
«Keyingisi qaysi?» o'yinida qo'shiq to'xtaydi, bola keyingi harfni uchta harf ichidan topadi. Alifbo qo'shiq satrlari bo'yicha to'rt bo'lakka bo'lingan (8, 8, 8 va 4 harf): bo'lak xatosiz o'tilsa, keyingisi ochiladi. Butun alifboni xatosiz o'tgan bola stiker oladi. Harfni ko'rib tanishni esa darslar o'rgatadi.
Qo'shiqda harf nomiga ba'zan «-un» qo'shib aytiladi (masalan, «alifun»): bu arabcha so'z oxiri, harf nomi o'zgarmaydi. Qo'shiq «Subhan Muslim» kanalidan, ruxsat bilan olindi.
«Ota-onaga» bo'limi oddiy hisob savoli bilan yopiladi: bola tasodifan natijalarni o'chirib yubormasin. To'g'ri javobdan keyin bo'lim 10 daqiqa ochiq turadi.
Kuniga bitta «Bugungi dars» yetadi: 7–10 daqiqa. Darslar xaritada tartib bilan ochiladi: harflar, qo'shib o'qish, cho'ziq unli, sukun, tanvin, tashdid.
Bosh sahifadagi yashil chiziq 10 yulduz yig'ilganda to'ladi. Yulduzlarga «Sovg'alar» bo'limida Bulbulga do'ppi olinadi. Har bir harf darsidan stiker beriladi.
Bola kartani bosishdan oldin o'zi aytsin, ovoz bilan esa tekshirsin. «abc» tugmasi lotincha yozuvni yashiradi.
«So'zlar» bo'limidagi «O'zim o'qiyman» tugmasi bolaning ovozini yozib oladi va namuna bilan ketma-ket chaladi. Yozuv hech qayerga yuborilmaydi, boshqa so'zga o'tganda o'chadi.
«O'yinlar» bo'limidagi «Qo'shib o'qi» o'yinlari harflar so'zda qanday ulanishini o'rgatadi: harf bilan harakatdan bo'g'in yasash, alohida harflarni ulash, so'z ichidan harfni topish, harfning boshdagi, o'rtadagi va oxirgi shakli, kartalarni juftlash. «Tez o'qish»da bola so'zlarni ovoz chiqarib o'qiydi, siz tinglab turasiz. «Nuqta» o'yinida bola eshitgan harfiga to'g'ri nuqtani qo'yadi. Har birida «Oson», «O'rta», «Qiyin» darajasi bor.
«Harf va raqam o'yinlari»: «Pufaklar»da bola eshitgan harfi yozilgan pufakni topadi, pufaklar bola yaxshi topsa tezlashadi, qiynalsa sekinlashadi. «Savatcha»da faqat nuqtasi bilan farq qiladigan harflarni ajratadi (ب ت ث, ج ح خ). «Yoddan yoz»da harfga qarab oladi, u yopilgach barmog'i bilan yoddan yozadi. Harfni qo'lda yozish uni yaxshiroq tanib olishga yordam beradi.
Bosh sahifada «Takrorlash» chiqsa, eski harflarni eslash vaqti keldi. Dastur bola to'g'ri topgan harfni tobora kamroq so'raydi: 1, 2, 4, 7, 14 kundan keyin. Unutay deb turganda eslash xotirani mustahkamlaydi. Yodlangan suralar ham shunday: 1, 3, 7, 14 kundan keyin takrorlashga chaqiriladi.
Imkon bo'lsa, yonida o'tirib birga o'ynang: harfni ovoz chiqarib birga ayting, uni kitobdagi so'zdan topib ko'rsating. Kattalar qatnashganda bola ko'proq o'rganadi.
Maqtaganda bolaning harakatini ayting: «diqqat bilan tinglading», «nuqtalarini sanab topding». Bunday maqtov «aqllisan» degandan ko'ra qiyin ishga ko'proq qiziqish uyg'otadi.
Har bir harf rasmga aylantirilgan: ن kosa, uning nuqtasi esa non. Rasmdagi so'z harfni eslatadi (non, nun). Rasmni birga ko'rib, harfning nuqtalarini sanang: nechta, tepadami yoki pastda? O'zbek tilida yo'q tovushli harflarda (ث, ذ, ض, ظ, و) so'z faqat harfni eslatadi, masalan ث «s» emas: to'g'ri talaffuzni harf izohidan va qori ovozidan oling.
«Harflar» bo'limining pastida va «Raqamlar» o'yinida Qur'ondagi raqamlar (١ dan ١٠ gacha) bor: oyat raqamlari shunday yoziladi. Raqamlar ovozi hozircha sun'iy ovoz.
Yozishda dastur faqat shaklga qaraydi. Qalam yo'nalishini (o'ngdan chapga, tepadan pastga) o'zingiz ko'rsatib bering.
Har bir harfda maxraj (tovush chiqadigan joy) va sifati yozilgan. Bolaga o'qib bering, og'zingizda ko'rsating, keyin u takrorlasin. Maxrajni topish uchun harf sukun bilan aytiladi: «ab», «at», «aq».
Lotincha yozuvda ostiga nuqta qo'yilgan harf yo'g'on yoki bo'g'izdan aytiladi (ṣ, ḍ, ṭ, ẓ, ḥ). Ustiga nuqta qo'yilgani til uchi tishlar uchida aytiladi (ṡ, ż). Arab tilidagi «v» ikki lab bilan aytiladi.
Ovoz dasturning ichida yozilgan: internet ham, telefon sozlamasi ham kerak emas. Qori yozuvi bo'lmagan bo'laklar nipponjo'ning «tts_arabic» ochiq sun'iy ovoz modeli bilan yaratilgan (FastPitch va HiFi-GAN, Nawar Halabi'ning «Arabic Speech Corpus» yozuvlari asosida; faqat notijorat foydalanish). Bu qori ovozi emas: cho'ziq unlilar ikki harakatga uzaytirilgan, lekin g'unna va qalqala to'liq bajarilmaydi. Tajvidni ustoz yoki qori tinglab to'g'rilashi kerak.
Harf nomlari Shayx Alijon qori ovozida, muallif ruxsati bilan. Harakatli va sukunli bo'g'inlar Izhoriddin qori ovozida, qori ruxsati bilan.
«Qur'on» bo'limida 13 ta qisqa sura bor. Bola oyatni bosib eshitadi yoki «Takrorlab o'rgan» bilan qori ortidan har oyatni bir yoki uch marta takrorlaydi. «Zanjir» usulida qori oyatlarni ulab boradi (1, keyin 1–2, keyin 1–3…), bola har safar butun zanjirni takrorlaydi: uzunroq surani yodlashda shu usul qulay. Surani yod olgach, «Yodladim» tugmasini bosadi.
Bosh sahifa, xarita va sovg'alarda yengil qushlar ovozi eshitiladi. Dars, o'yin va Qur'on bo'limida u o'chadi. Bosh sahifadagi nota tugmasi uni butunlay o'chiradi.
Suralar Shayx Alijon qori qiroatida, qori ruxsati bilan.
Natijalar shu telefonda saqlanadi. «Oila kodi» yaratilsa, ularning nusxasi serverda ham turadi va shu kod kiritilgan boshqa telefonlarga o'tadi. Serverga faqat bolalarning ismi va o'qish natijalari boradi, ovoz yozuvlari bormaydi. «Kodni butunlay o'chirish» serverdagi nusxani o'chiradi.

Qisqa suralarni Shayx Alijon qori qiroatida tinglang va qori ortidan takrorlab yodlang.

Qur'ondagi raqamlar

Bolalar

Oila kodi

Sozlamalar

Chop etiladigan varaqlar